Ministria e Shëndetësisë ka njoftuar se në 24 orët e fundit 24 persona kanë vdekur si pasojë e infektimit me COVID-19. Kurse gjatë kësaj periudhe 890 persona kanë rezultuar pozitiv, ndërsa 1712 persona janë shëruar, shkruan Gazeta Sinjali.

Viktima më e re gjatë kësaj kohe ka qenë një foshnje tre ditëshe nga Lipjani.

Gjatë kësaj kohe ka vdekur edhe një burrë nën moshën 40 vjeçare nga komuna e Podujevës.

Ndërsa, viktima kanë qenë edhe dy burra të moshës 50-59 vjeçare, njëri nga Peja dhe tjetri nga Deçani.

10 viktimat tjera janë të moshës 60-69 vjeçare. 2 nga viktimat janë të komunës së Prizrenit, 2 të Rahovecit, 1 nga Vushtrria, 1 nga Lipjani, 1 nga Kamenica, 1 nga Gjilani, një nga Gllogoci dhe një nga Gjakova.

7 viktima janë të moshës 70-79 vjeçare. 2 nga viktimat janë nga komuna e Suharekës, 1 nga Mitrovica, 1 nga Vitia, 1 nga Gjilani, 1 nga Gjakova dhe 1 nga Fushë Kosova.

Ndërsa, 3 viktima janë mbi 80 vjeç. Njëri nga viktimat është nga Prizreni, njëri nga Suhareka dhe njëri nga Prishtina. /Gazeta Sinjali/