Në Kosovë, sot më 12 mars, janë paralajmëruar disa ngjarje, shkruan Gazeta Sinjali.

Kryeministri në detyrë Avdullah Hoti, merr pjesë në takimin e Komitetit për koordinimin dhe vlerësimin e situatës epidemiologjike lidhur me COVID-19. (Ndërtesa e Qeverisë, Salla P38, ora 09:00).

Kryeministri në detyrë Avdullah Hoti, mban takim online me kryetarët e komunave dhe Asociacionin e Komunave të Kosovës. (Takimi mund të ndiqet direkt nga faqja e Facebook-ut e Kryeministrit, ora 09:45).

Komuna e Prizrenit organizon debat publik për “Draft Rregulloren e Re për Taksa dhe Tarifa Komunale”, përmes së cilës synohet thjeshtëzimi i procedurave administrative për qytetarë dhe biznese.(Salla e mbledhjeve të Kuvendit Komunal në Shtëpinë e Bardhë, ora 10:00).

Komuna e Prishtinës mban konferencë për media për projektimin e sallës koncertale. (Ndërtesa e vjetër e Komunës së Prishtinës, ora 14:00). /Gazeta Sinjali/