Kryetarja e Kuvendit të Kosovës, Vjosa Osmani sot është takuar me deputeten e Aleancës për Ardhmërinë e Kosovës, Donika Kadaj-Bujupi.

Siç ka njoftuar deputetja Kadaj-Bujupi përmes një postimi në Facebook, takimi është zhvilluar në prag të Ditës Ndërkombëtare për Eliminimin e Dhunës Seksuale në Konflikt.

Postimi i plotë:

Në prag të Ditës Ndërkombëtare për Eliminimin e Dhunës Seksuale në Konflikt, sot u takuam me Kryetaren e Kuvendit e cila më njoftoi që Rezoluta për krijimin “Këndit të Kurajos” e iniciuar nga unë dhe e votuar nga deputetët e legjislaturës së kaluar, ka marrur përkrahjen e kryesisë dhe së shpejti fillimisht në ambientet e kuvendit e pastaj edhe në qeveri dhe institucionet tjera, do të ekspozohen artizanalet e punuara nga viktimat e dhunës seksuale në luftën e fundit në Kosovë. Ky kënd do të jetë kurajoja e së ardhmës. Këto gra janë historia e Kosovës! Drejtësia për to, do të triumfoj!/Gazeta Sinjali/