Sot në Bruksel është mbajtur takimi i gjashtë i grupeve punuese për targat, ka njoftuar Miroslav Lajçak.
Përfaqësuesi Special i Bashkimit Evropian për dialogun Kosovë-Serbi, Miroslav Lajçak ka thënë se ekspertët e BE-së i kanë ndihmuar delegacionet në identifikimin e të gjitha opsioneve ekzistuese dhe implikimet e tyre teknike.
“Ndërkohë, delegacionet e ekspertëve të Kosovës dhe Serbisë janë takuar sot në Bruksel për takimin e gjashtë të Grupit Punues për Targat. Ekspertët e BE-së ndihmuan të dy delegacionet në identifikimin e të gjitha opsioneve ekzistuese dhe implikimet e tyre teknike. Tani është koha për t’u angazhuar në gjetjen e interesave të përbashkëta”, ka shkruar Lajçak.
In the meantime, expert delegations of Kosovo & Serbia met in Brussels today for the 6th meeting of the WG on Licence Plates. EU experts assisted both delegations in identifying all existing options & their technical implications. It’s time now to engage in finding common ground.
— Miroslav Lajčák (@MiroslavLajcak) March 11, 2022
Zbatimi i marrëveshjes për targat ka filluar më 4 tetor të vitit të kaluar, e cila parasheh parasheh që të mbulohen me stikersa simbolet shtetërore të Serbisë në targa.
Pas vendosjes së reciprocitet për targat e veturave nga Serbia, serbët bllokuan dy pikëkalimet kufitare në Jarinje e Bërnjak për 13 ditë.
