Kryetari i Grupit Parlamentar të AAK-së, Besnik Tahiri ka shprehur urimet e tij pasi sot Parlamenti Evropian hoqi vizat për kosovarët, raporton Gazeta Sinjali.
Tahiri tha se ja vlen që mbyllja e kësaj padrejtësie evropiane të shënohet me një festim kolektiv nga qytetarët, duke shtuar se qytetarët e Kosovës natën e vitit të ri 2023, do të mund ta festojnë me një mundësi të re me 1 janar 2024.
“Ja vlen që mbyllja e kësaj padrejtësie evropiane të shënohet me një festim kolektiv nga qytetarët më proevropian në kontinent. Urime atyre mijëra zyrtarëve publik në të gjitha nivelet, që nuk u dorëzuan, e realizuan një reformë që kërkohej nga ne. Urime të rinjëve, Më të moshuarve, Të gjithëve pa dallim”, ka shkruar Tahiri në llogarinë e tij në Facebook.
Po ashtu, ai shtoi se tani është koha të punohët për një regjim pa viza me SHBA-në.
