Zëvendëskryeministri në detyrë, Besnik Tahiri u ka bërë thirrje partive politike për votimin e buxhetit për vitin 2021, shkruan Gazeta Sinjali.

Sipas Tahirit, është koha që partitë politike duhet të dëshmojnë se agjenda institucionale dhe publike është prioriteti i të gjithëve dhe jo vetëm i një shumice të thjeshtë.

“Rëndësia e votimit të Buxhetit 2021 qëndron mbi faktin se ky buxhet mbulon pagat, shërbimet, projektet e nisura, tema këto që tejkalojnë dallimet partiake. Andaj është koha që të marrim një kurs të ri, sipas të cilit konfirmojmë që jemi shoqëri e pjekur, e cila para, gjatë dhe pas zgjedhjeve, prodhon stabilitet, duke mos pritur momentet kur forcat politike komunikojnë përmes kushtëzimeve”, shkroi ndër të tjera Tahiri në Facebook.

Postimi i plotë:

Duke marrë parasysh faktin që nuk kemi arritur konsensus të plotë ndër-partiak për votimin e Ligjit për Rimëkëmbje, votimi i Buxhetit 2021 është rasti më i mirë që grupet parlamentare të flasin me një zë konsensual për interesin e përgjithshëm publik.

Partitë politike duhet të dëshmojnë se agjenda institucionale dhe publike është prioriteti i të gjithëve, dhe jo vetëm i një shumice të thjeshtë.

Rëndësia e votimit të Buxhetit 2021 qëndron mbi faktin se ky buxhet mbulon pagat, shërbimet, projektet e nisura, tema këto që tejkalojnë dallimet partiake. Andaj është koha që të marrim një kurs të ri, sipas të cilit konfirmojmë që jemi shoqëri e pjekur, e cila para, gjatë dhe pas zgjedhjeve, prodhon stabilitet , duke mos pritur momentet kur forcat politike komunikojnë përmes kushtëzimeve./Gazeta Sinjali/