image Studentët nisin peticion, kërkojnë që ligjëratat të mbahen në universitete
[wp-story id="814678"]

Arsim

Studentët nisin peticion, kërkojnë që ligjëratat të mbahen në universitete

news image

Organizata Studentore “Reforma” ka nisur një peticion me anë të të cilit kërkon rifillimin e ligjëratave universitare në formë fizike, raporton Gazeta Sinjali.

Në peticionin e tyre, studentët kundërshtojnë vendimet e fundit të Ministrisë së Arsimit dhe Shkencës, sipas të cilëve, të gjitha institucionet universitare në Republikën e Kosovës do të vazhdojnë ligjëratat në formën online.

Studentët e quajnë të pakuptimtë mbylljen e universiteteve për shkak të pandemisë, derisa janë hapur kafiteritë dhe fushata zgjedhore e partive politike po vazhdon pa u penguar.

“Është e pakuptimtë të mbyllet shtëpia e dijes, ndërsa të lejohen tubimet e propagandës! Ftojmë të gjithë studentët e Universitetit të Prishtinës që me anë të nënshkrimit të këtij peticioni, të përgjigjen ndaj vendimeve të paarsyeshme dhe të bashkangjiten për rikthimin e studentëve aty ku e kanë vendin, në Universitet”, thuhet në mbishkrimin e këtij peticioni./Gazeta Sinjali/