Një spital për sëmundje infektive në Itali po shqyrton mostra biologjike të një burri të karantinuar për të verifikuar nëse ai është i infektuar me hantavirus.
Instituti Kombëtar për Sëmundje Infektive “Lazzaro Spallanzani” ka konfirmuar se po heton një rast të mundshëm dhe ka bërë të ditur se burri kishte pasur kontakt me një grua e cila ka vdekur nga hantavirusi.
Kjo vjen pasi agjencia e lajmeve ANSA raportoi se një 25-vjeçar nga Kalabria do të dërgohej në spital.
Në raport thuhet se burri dyshohet se po shfaq simptoma të virusit dhe do të transferohet në spitalin e specializuar për sëmundje infektive në Romë, raporton skynews, transmeton Sinjali.
Megjithatë, sipas komenteve të raportuara nga mediat lokale, kryetarja e komunës Villa San Giovanni, prej nga thuhet se është burri, ka mohuar se ai po dërgohet në spital.
Reggio Today raportoi se Giusy Caminiti ka deklaruar: “Ne hedhim poshtë çdo raport të kundërt. Pas diskutimeve me të dhe me Autoritetin Shëndetësor të Reggio Calabria: [burri] nuk ka pasur kurrë simptoma të atribuueshme ndaj hantavirusit; nesër, si italianët e tjerë në atë fluturim, ai do t’i nënshtrohet testeve të urdhëruara si masë parandaluese nga Ministria e Shëndetësisë, dhe mostrat e marra do të dërgohen në Spallanzani.”
Sinjali – aty ku e vërteta flet para lajmit!
