Një ngjarje e rëndë ka ndodhur pasditen e së hënës në fshatin Gjonaj të Prizrenit, ku 79-vjeçari Muharrem Osmanollaj është gjetur pa shenja jete në objektin përcjellës të shtëpisë së tij, raporton Sinjali.
Lajmin për vdekjen e tij e kanë bërë të ditur edhe familjarët e tij të cilët kanë bërë të ditur se sot do të varroset i ndjeri në orën 17:00 në varrezat e fshatit Gjonaj.
Nga informacionet e para, në momentin kur zona ishte përfshirë nga furtuna, i ndjeri ishte larguar për pak çaste nga familjarët dhe kishte shkuar në një objekt përcjellës të shtëpisë. Pas kërkimeve, familjarët e kanë gjetur të varur me një litar të lidhur me një zinxhir, në katin e dytë të objektit.
Sipas dëshmitarëve, familjarët e kanë zbritur trupin nga litari dhe e kanë vendosur në një dhomë, ndërsa menjëherë kanë njoftuar Policinë dhe Emergjencën.
Ekipi mjekësor, pasi ka dalë në vendin e ngjarjes, ka konstatuar vdekjen e 79-vjeçarit.
Në vendngjarje kanë dalë hetuesit policorë, hetimet rajonale dhe njësitë e tjera kompetente, ndërsa për rastin është njoftuar edhe Prokurori i Shtetit.
Me urdhër të Prokurorit, trupi i pajetë është dërguar në Institutin e Mjekësisë Ligjore për obduksion.
Rasti është iniciuar si “Vetëvrasje”, ndërsa autoritetet po vazhdojnë procedurat hetimore për dokumentimin e plotë të ngjarjes.
Sinjali – aty ku e vërteta flet para lajmit!
