Sot do të zhvillohet ndeshja e katërt e serisë finale mes Pejës dhe Trepçës. Kjo ndeshje do të zhvillohet nga ora 17:15, në palestrën sportive “Karagaçi”.
Momentalisht mitrovicasit po avancojnë në serinë finale 2:1 dhe i mjafton një fitore për t’u shpallur kampion.
Kurse, pejanët nuk kanë asgjë më për të humbur. Ata duhet të fitojnë dy ndeshje për t’u kurorëzuar me titullin e kampionit.
Të dy skuadrat duan titullin pas një dekade.
Peja ishte shpallur kampione për herë të fundit më 2013, kurse Trepça më 2012.
