image Sot i jepet lamtumira e fundit gazetares së RTK-së

Kosovë

Përkujtim/ Sot i jepet lamtumira e fundit gazetares së RTK-së

news image

Pasditen e sotme në Prishtinë i jepet lamtumira e fundit gazetares së RTK-së, Ardita Sylejmani e cila ndërroi jetë ditë më parë në Budapest të Hungarisë, pas komplikimeve shëndetësore gjatë lindjes.

Varrimi do të bëhet në orën 16:00 në varrezat në lagjen “Arbëria”, shkruan Gazeta Sinjali.

Paraprakisht, prej orës 11:00 në mjediset e  Radio Televizionit të Kosovës në do të mbahet një mbledhje përkujtimore në nderim dhe kujtim të gazetarës e cila prej vitesh kontribuoi në këtë medium.

Për vdekjen e gazetares ka reaguar edhe Asociacioni i Gazetarëve që përfaqëson komunitetin e gazetarëve të Kosovës, i cili është shprehur i tronditur për ndarjen e parakohshme nga jeta të koleges së tyre.

Ardita Sylejmani ndërroi jetë në moshën 32 vjeçare. Ajo ka lënë pas vetes tre fëmijë, përfshirë edhe vajzën e sapolindur. / Gazeta Sinjali/