Sot në orën 16:00, në Qendrën për Numërim dhe Rezultate, do të fillojë numërimi i votave me kusht dhe atyre të personave me nevoja të veçanta, ka konfirmuar zëdhënësi i KQZ-së, Valmir Elezi.

“Këto vota do t’i nënshtrohen kontrolleve, krahasimeve dhe verifikimeve me votuesit e rregullt dhe atëherë do të kemi të qartë se sa prej tyre aprovohen dhe sa refuzohen. Vetëm fletëvotimet e aprovuara numërohen”, deklaroi Elezi.

Numri i votave me kusht në nivel vendi është rreth 26 mijë e 400, ndërsa numri i votave të personave me nevoja të veçanta është rreth 2 mijë e 150. /Gazeta Sinjali/