Skandali i pagesave të arbitrit Negreira vazhdon të shkaktojë probleme për Barcelonën, me UEFA që njoftoi se do të nisë një hetim.
Klubi spanjoll dyshohet se pagoi mbi 7.3 milion € (6.4 milion £) midis 2001 dhe 2018 firmave në pronësi të Enriquez Negreira, i cili mbajti rolin në shoqatën spanjolle të futbollit midis 1993 dhe 2018, transmeton Sinjali Sport.
Prokurorët pretendojnë se me një marrëveshje të fshehtë dhe “në këmbim të parave”, Negreira favorizoi Barcelonën “në vendimet e marra nga arbitrat në ndeshjet e luajtura nga klubi, si dhe në rezultatet e garave”.
Tani është zbuluar se organi drejtues i futbollit evropian do të përfshihet në këtë rast. Në një deklaratë të UEFA-s thuhet: “Në përputhje me nenin 31(4) të Rregullores Disiplinore të UEFA-s, inspektorët e etikës dhe disiplinës së UEFA-s janë caktuar sot për të kryer një hetim në lidhje me një shkelje të mundshme të kuadrit ligjor të UEFA-s nga FC Barcelona në lidhje me këtë – quajtur ‘Caso Negreira’. Informacione të mëtejshme në lidhje me këtë çështje do të vihen në dispozicion në kohën e duhur.”
Barcelona pohon se ata nuk kanë bërë asgjë të gabuar dhe nuk kanë fituar kurrë favore mes zyrtarëve të ndeshjes si rezultat i pagesave të bëra për Negreira – të cilat erdhën gjatë një epoke në të cilën klubi gëzonte sukses të konsiderueshëm vendas dhe evropian.
