image Sindikata reagon për shfuqizimin e vendimit për shkarkimin e anëtarëve të KPMSHCK-së
[wp-story id="814678"]

Kosovë

Sindikata reagon për shfuqizimin e vendimit për shkarkimin e anëtarëve të KPMSHCK-së

news image

Gjykata Kushtetuese para dy ditëve ka shfuqizuar vendimin për shkarkimin e pesë anëtarëve të Këshillit të Pavarur Mbikëqyrës për Shërbimin Civil të Kosovës. Sindikata e Shërbimit Civil të Kosovës ka reaguar për vendimin e Kushtetueses.

Kjo sindikatë thotë se Gjykata Kushtetuese me këtë vendim ka mbrojtur interesi i shtetit të Kosovës dhe në veçanti i shërbyesve civil.

 “Sindikata e Shërbimit Civil të Kosovës (SSHCK), përshëndet vendimin e Gjykatës Kushtetuese të Republikës së Kosovës i cili konstatoi se; vendimi për shkarkimin e 5 anëtarëve të KPMSHCK-së është kundër kushtetues. Në këtë formë është mbrojtur, në mënyrën më të mirë, interesi i Shtetit të Kosovës dhe Shërbyesve Civil në veçanti ngase, nuk do të duhej në asnjë formë Kuvendi i Kosovës të merret me këtë institucion të pavarur e që ne edhe më herët kemi thënë se është një lloj Gjykate e Shërbimit Civil dhe këtë e ka konfirmuar edhe Gjykata Kushtetuese duke e emërtuar si një lloj ’”tribunali” që nënkupton se kuvendi dhe politika duhet të mbajnë larg duart nga institucionet e pavarura kushtetuese”, thuhet në reagimin e SSHCK-së.

Sipas këtij reagimi, kjo praktikë e sulmeve dhe etiketimeve pa asnjë justifikim ligjor mbi këto institucione, është një pasqyrë jo e mirë edhe në raport me bashkësinë ndërkombëtare dhe dëmton në masë të madhe imazhin e Shtetit të Kosovës, sepse sipas SSHCK-së në këtë formë krijon një precedentë të rrezikshëm që çdo qeveri dhe pushtet të merret me këto institucione në vazhdimësi, varësisht se cila parti është në pushtet.

 “Tendenca për të sulmuar këto institucione të pavarura është në kundërshtim me çdo normë dhe rregull dhe se Kuvendi i Kosovës dhe komisionet parlamentare nuk duhet të luajë rolin e Policisë, Prokurorisë dhe Gjykatës sepse përgjegjësit janë të ndara në këtë aspekt, andaj edhe nuk duhet të ndërhyhet në kompetenca të institucioneve tjera”, thuhet ndër të tjera në këtë reagim.

Kjo sindikatë kërkon nga kreu i Kuvendit të Kosovës dhe kryesia, që të merr masa ndaj atyre që kanë qenë promotor të këtyre proceseve me ç ‘rast siç shprehen ata “i është shkaktuar dëm i pariparueshëm institucionit më të lartë të vendit tonë Kuvendit të Kosovës, sepse çfarë mund të pritet nga institucionet tjera kur Kuvendi shkel Kushtetutën e Kosovës si dokumenti më i rëndësishëm i vendit”.  /GazetaSinjali/