Elvana Gjata është njëra ndër këngëtaret më të dashura për publikun në trojet shqiptare dhe jo vetëm.

Artistja së fundmi ishte e pranishme në koncertin treditor “Tingujt e Çarshisë” që u mbajt në qytetin e Shkupit.

Koncert ky që mbahet për 13 vjet rresht nga Qendra Informative Kulturore Shkup dhe ka për qëllim idenë e ringjalljen së Çarshisë, pjesës më të vjetër dhe më të bukur të qytetit.

Në këtë vit koncerti ishte i pasur me këngëtarë të rinj dhe të njohur nga Shqipëria e Kosova si: Elvana Gjata, Dafina Zeqiri, Lumi B, Yll Limani e shumë të tjerë.

Drejtoresha e QIK-ut, Sermine Purrini, ka thënë se buxheti i këtij manifestimi ishte 3,65 milionë denarë.

Artistja më e paguar nga ky koncert sipas shifrave të dhëna nga drejtoresha, del të jetë Elvana Gjata, e cila performoi për publikun vetëm gjysmë ore.

Këngëtarja shqiptare ka marrë plotë 11 mijë euro nga koncerti “Tingujt e Çarshisë”.

Purrini ka thënë se këngëtarët më me zë janë paguar më shumë se artistët e rinj, duke e argumentuar këtë çmim me famën e tyre.

‘Unë mendoj se ky buxhet është menaxhuar mirë pasi Shkupi ka nevojë, ka dhe shumë më tepër se kjo’, citohet të ketë thënë Purrini.

Një pjesë e mirë për buxhetin e koncertit është siguruar nga bashkia e qytetit, Ministria e Kulturës dhe bizneset private.

Më poshtë janë dhe shumat e parave që artistët shqiptarë kanë marrë nga ky koncert:

Elvana Gjata – 11 mijë euro,

Dafina Zeqiri – 4 mijë euro,

Lum Berisha – 2.500 euro,

Ylli Limani – 2.500 euro.

Ndërsa, këngëtarët dhe artistët e rinj që morën pjesë në këtë manifestim u paguan vetëm me nga 100 euro./Gazeta Sinjali/