Bashkatdhetarët tanë që po kthehen nga pushimet në Kosovë edhe këtë mëngjes po përballen me pritje të gjata në pikë kalimet kufitare me Serbinë: Merdarë, Mutivodë dhe te Dheu i Bardhë.
Kjo është bërë e ditur nga raporti i Qendrës Kombëtare për Menaxhim Kufitarë, transmeton Sinjali.
Sipas raportit, për të dalë nga Kosova nga pikë kalimi kufitar në Merdarë, qytetarë duhet të presin deri në 7 orë, ndërsa kolona thuhet të jetë deri në 1.6 kilometër.
Pritje të gjata ka edhe në Mutivodë dhe te Dheu i Bardhë. Në Mutivodë qytetarët presin deri në një orë e gjysmë, ndërsa te Dheu i Bardhë pritjet janë deri në 60 minuta./Sinjali/
