Reperi, Gramoz Aliu i njohur me nofkën “Mozzik” ka folur si rrallëherë për jetën e tij private, ku rrëfeu se ka vuajtur nga ankthi që kur ishte 20-vjeç.
Reperi thotë se ka përdorur qetësues për këtë problem dhe se viziton rregullisht psikologun për gjendjen e tij emocionale.
“Dikur si i ri, si një 20-vjeçar deri në 25 vjeç kam pasur ankth të theksuar. Është e hidhur që si 22 vjeçar me marrë qetësues për të fjetur në gjumë, me mjek dhe përkrahjen e familje i kam kaluar këto sfida. Ankthi është pjesë e jetës”, u shpreh Mozzik.
“Mos mendoni se mund t’ju ndihmojnë vetëm ilaçet dhe mjeku por këshillat e familjes dhe koha është ilaçi më i mirë që i duhet një të riu për të kaluar ankthin. 8 muaj e kam mbajtur të fshehtë, fatkeqësisht nuk ka shumë njohuri për shëndetin mendor tek ne”, shtoi ai.
“Unë shkoj çdo muaj se kam nevojë, këtë e kam mësuar në Zvicër, kur ke probleme emocionale është psikologu për këtë”, ka thënë reperi në Oxygen.
Mozzik po shijon aktualisht suksesin e albumit më të fundit me titull “Lamboziki”.
