Policia turke ka hyrë me forcë brenda një xhamie duke shpërndarë besimtarët që po luteshin.

Ndërsa vendi ka hyrë në bllokim total për shkak të rritjes së rasteve me koronavirus, policia vendase ka hedhur gaz lotsjellës ndaj besimtarëve jo të shumtë në numër. Ata i përkasin një grupimi të quajtur “Furkan”.

Besimtarët janë larguar me forcë nga tre xhami në Turqinë Jugore, duke thënë se tubimet e tyre të lutjeve ishin një provokim kundër kufizimeve të bllokimit të COVID-19, raporton Reuters, përcjell Gazeta Sinjali.

Pamjet treguan se policia u përlesh me një grup njerëzish në një xhami në provincën e Gaziantep të dielën dhe i nxori me forcë, ndërsa disa bërtisnin: “Ne po lexojmë Kuran“. Një oficer shihet duke përdorur gaz lotsjellës.

Lutja në xhami nuk është e ndaluar sipas masave, por autoritetet në Gaziantep thanë që grupet po përpiqeshin të qëndronin në xhami për ditët e fundit të Ramazanit, pa leje paraprake.

Zyra e guvernatorit të Gaziantep tha të hënën se 76 personat që hynë në tre xhamitë, ishin në hetime të mëparshme nën akuzat e terrorizmit./Gazeta Sinjali/