Numri i të infektuarve me koronavirus dhe i të vdekurve vazhdon të rritet nga dita në ditë. Bota ende po përballet me pandeminë, së cilës ende nuk i është gjetur një vaksinë, dhe sipas ekspertëve kjo çështje mund të zgjas më shumë se një vit.

Shumë vende të europës, tashmë e kanë kaluar pikun, Italia gjithashtu si vatra e infeksionit për herë të parë këtë muaj ka shënuar ulje të rasteve të reja. Teksa, vala e madhe e infektimeve tashmë po shfaqet në vendet e lindjes ku më e prekur është Rusia.

Së fundmi raportohet se numri i rasteve në mbarë botën ka shkuar në 5 milion e 197 mijë e 863, ndërsa numri i të vdekurve ka shkuar në 334 mijë e 680. Edhe numri i pacientëve të shëruar është rritur duke shkuar në 2 milion e 82 mijë e 950 pacientë të shëruar.

Shtetet e Bashkuara të Amerikës kanë numrin më të lartë të rasteve dhe vdekjeve. Në SHBA në total janë 1 milion e 620 mijë e 902 të infektuar dhe 96 mijë e 354 të vdekur nga COVID-19.

Rusia renditet e dyta me 317 mijë e 554 raste, por me një numër të ulët të vdekjeve. Rusia raporton 3 mijë e 99 të vdekur nga COVID-19. Ka ndryshuar renditja, ku Brazili ka kaluar në vendin e tretë. Brazili ka 310 mijë e 921 raste dhe 20 mijë e 82 të vdekur. Spanja renditet e katërta ku në total ka 2820 mijë e 117 raste dhe 27 mijë e 940 të vdekur.

Më pas vjen Mbretëria e Bashkuar e cila raporton për 250 mijë e 908 raste dhe 36 mijë e 42 të vdekur. Në vendin e gjashtë renditet Italia me 228 mijë e 6 raste dhe 32 mijë e 486 të vdekur. Franca renditet pas Italisë me 181 mijë e 826 raste dhe 28 mijë e 215 të vdekur nga COVID-19./ Gazeta Sinjali/