Në gjithë këtë situatë të vështirë që po kalon bota pasi koronavirusi ka gjunjëzuar edhe shtetet më të fuqishme në botë, histori njerëzore dhe tepër emocionuese vijnë nga çdo cep i globit.

Filippo Leoni, 70-vjeçari nga provinca e Anconas në Itali e ka lënë spitalin pasi ka rezultuar negativ në testin e fundit për koronavirus.

Mjekët dhe infermierët e Osimo-s (provincë në Ancona) e shoqëruan 70-vjeçarin drejt daljes me duartrokitje, duke e përgëzuar për kurajën e treguar gjatë një muaji terapi në spital.

Duartrokitjet e personelit shëndetësor e përlotën Filippon, që la spitalin pasi provoi dy tamponat e fundit negativ për koronavirus.

Covid-19 e preku atë në fillim të marsit dhe e detyroi të qëndronte në spital gati një muaj. /Gazeta Sinjali/