image Shefi i NATO-s pret vendim të shpejtë për anëtarësimin e Finlandës dhe Suedisë - Sinjali

Shefi i NATO-s pret vendim të shpejtë për anëtarësimin e Finlandës dhe Suedisë

news image

Sekretari i Përgjithshëm i NATO-s, Jens Stoltenberg, tha se ka besim që anëtarët e NATO-s do të marrin një vendim të shpejtë për të mirëpritur Finlandën dhe Suedinë në këtë aleancë.

Turqia ka kërcënuar me veto ndaj aplikimeve të tyre, duke akuzuar dy vendet nordike se strehojnë militantë kurdë që ajo i konsideron si terroristë.

Duke folur në Danimarkë, Stoltenberg tha se NATO është në kontakt të ngushtë me Finlandën, Suedinë dhe Turqinë dhe po trajton shqetësimet e Turqisë.

Ai tha se nuk është e pazakontë të ketë dallime të mendimeve në NATO dhe se aleanca ka përvojë në gjetjen e zgjidhjeve.

Shefi i NATO-s thotë gjithashtu se beson se Ukraina mund ta fitojë luftën. Ai thotë se Rusia nuk ka mundur të marrë Kievin, është detyruar të largohet nga Kharkiv dhe zonat përreth dhe se ofensiva në Donbas ka ngecur.

“Ne nuk besojmë se Rusia ka hequr dorë nga qëllimet e saj strategjike… kështu që ne duhet të përgatitemi për një kohë më të gjatë”, deklaroi ai.

/GazetaSinjali/


Shpërndaje artikullin