Xherdan Shaqiri mund të ndërroj sërish skuadrën.
Ylli kosovar po kërkohet në afatin e janarit nga Fenerbahce. Pasi humbi vendin e titullarit te Lyonit, Shaqiri është i pakënaqur me situatën te skuadra franceze dhe po mendon largimin.
Sipas mediave turke, Fenerbahce është duke e kërkuar me ngulm Shaqirin dhe është top prioriteti për blerje në afatin e janarit.
Problemi i vetëm te Feneri është mungesa aktuale e trajnerit dhe se klubi nuk po ngutet në transferime pa e zyrtarizuar emrin e timonierit të skuadrës pas shkarkimit të Vitor Pereiras. Fenerbahce edhe në të kaluarën kishte shikuar mundësinë e transferimit të Shaqirit.
