Përfaqësuesja e Kosovës U21 do ta fillojë grumbullimin për ndeshjen e parë kualifikuese të Evropianit 2023 kundër Andorrës, të martën, më 25 maj, njofton FFK, përcjell Sinjali Sport.
Përzgjedhësi Michael Nees e ka ndarë këtë grumbullim në dy faza.
Në fazën e parë, prej 25 maj deri më 29 maj janë të ftuar 31 futbollistë dhe kjo fazë do të shërbejë si paraselektim, derisa më pas lista do të reduktohet në 24 futbollistë, të cilët do të jenë në grumbullim në fazën e dytë prej 31 majit, teksa ndeshja kualifikuese me Andorrën U21 zhvillohet më 8 qershor në stadiumin “Fadil Vokrri”, në orën 20:00.
Stërvitjen e parë reprezentacioni U21 do ta zhvillojë në Kampin Edukativ Nacional në Hajvali.
