Kryetari i Degës së PDK-së në Skenderaj, Sami Lushtaku ka bërë të ditur se do të kandidojë përsëri për kryetar të Komunës së Skenderajt në zgjedhjet e ardhshme lokale.

Lushtaku thotë se shumë punë i kanë mbetur peng pse nuk ka mundur t’i mbarojë gjatë mandatit të tij si kryetar i kësaj komune.

“Një prej dëshirave të mia ka qenë penda e qytetit. E kam filluar ta bëjë edhe qendrën e familjes së dëshmorëve. Për fat të keq ashtu si e kam lënë unë ashtu ka mbet dhe askush asnjë tullë nuk e ka vendos”, ka thënë ai në RTV Dukagjini.

Më tej, Lushtaku shton se ia ka lëshuar Bekim Jasharit pozitën e kryetarit, por në zgjedhjet e ardhshme lokale ka vendosur të kandidojë përsëri.

“Kam vendosur përsëri të kandidojë dhe t’i mbarojë projektet e lëna në gjysmë. Unë prej katër vitesh edhe pse kam pasur përkrahjen e qytetarëve nuk kam mundur të jem kryetar dhe t’i kryej obligimet që më takojnë”, tha ndër të tjera Sami Lushtaku./Gazeta Sinjali/