“SberAutoTech”, një filial i huamarrësit më të madh të Rusisë, “Sberbank”, ka zhvilluar një veturë vetëvozitëse, të quajtur Flip, të cilin kompania e përshkroi si një “taksi të së ardhmes”.

“Sberbank” po diversifikon në fusha që variojnë nga shpërndarja e ushqimit dhe shërbimet e taksive te informatika e re dhe siguria kibernetike dhe ka bërë hapa të mëdhenj teknologjikë vitin e kaluar, duke zbuluar një asistent të ri virtual, altoparlant inteligjent dhe pajisje të tjera.

Flip është madhësia e një veture konvencionale pasagjerësh, por me hapësirë ​​për gjashtë pasagjerë. Vetura ka përmbushur kërkesat maksimale të standardeve ndërkombëtare të drejtimit autonom, por deri më tani është testuar vetëm në rrugë të mbyllura.

“SberAutoTech” nuk bëri të ditur se sa kishte investuar në projekt ose ndonjë detaj në lidhje me çmimet, furnizuesit apo kronologjinë e tij të pritshme të prodhimit./Gazeta Sinjali/