Ambasadori rus ka folur dhe ka argumentuar nevojën për të mbrojtur zonat separatiste të Ukrainës të mbështetura nga Rusia nga ajo që ai e quajti agresion ukrainas.
Vasily Nebenzya tha se “lejimi i një gjakderdhjeje të re në Donbas është diçka që ne nuk kemi ndërmend ta bëjmë”.
Ai po ashtu sulmoi perëndimin për “nxitje” të Ukrainës drejt konfliktit dhe akuzoi kombet e tjera se nuk e kishin parasysh gjendjen e atyre në Donbass.
“Shumica prej jush nuk gjetën asnjë vend për afro katër milionë banorët e Donbasit… Kolegët tanë perëndimorë kanë grumbulluar pa turp armë në Ukrainë.”
Ukraina ka mohuar fuqimisht përshkallëzimin e tensioneve të dhunshme.
Ambasadori rus i tha Këshillit të Sigurisë se mbetet i hapur ndaj diplomacisë dhe këmbënguli se Ukraina është ende e detyruar nga marrëveshja e Minskut.
Ajo marrëveshje përcaktonte hapat e projektuar për t’i dhënë fund konfliktit tetë-vjeçar në lindje të Ukrainës dhe për të zgjidhur statusin e zonave të shkëputura, raporton BBC.
