Rusia ka propozuar një armëpushim të ri duke filluar nga ora 10 e mëngjesit me orën e Moskës, që është ora 02:00 ET të martën, që tregon se është gati të hapë korridoret e evakuimit nga Kievi, Chernihiv, Sumy, Kharkiv dhe Mariupol, raportojnë mediat ruse duke cituar Shtabin Koordinues Rus për Reagimin Humanitar në Ukrainë.
Ukraina ende nuk ka rënë dakord zyrtarisht me propozimin e armëpushimit.
“Rusia shpall një armëpushim nga ora 10 e mëngjesit (koha e Moskës) më 8 mars dhe është e gatshme të sigurojë korridore humanitare: nga Kievi dhe vendbanimet fqinje në Federatën Ruse përmes territorit të Republikës së Bjellorusisë deri në Gomel”, citojnë mediat ruse deklaratën.
Deklarata ruse shtoi se korridoret e evakuimit “do të jenë gjithashtu të hapura nga Chernihiv përmes territorit të Bjellorusisë, nga qyteti i Sumy përgjatë dy rrugëve për në Poltava dhe në territorin e Rusisë, nga Kharkiv në territorin e Rusisë ose në Lviv, Uzhgorod. Ivano-Frankivsk. Gjithashtu, një korridor humanitar do të hapet nga Mariupol përgjatë dy rrugëve për në territorin e Rusisë dhe Zaporizhie, raporton CNN.
Rusia tha se po ofron të bie dakord mbi planin për korridoret e evakuimit me Ukrainën deri në orën 3 të mëngjesit me orën e Moskës të martën, përpara armëpushimit që fillon në orën 10 të mëngjesit me orën lokale.
