Që nga ora 10:00, gjashtë korridore humanitare janë hapur në Ukrainë, sipas Ministrisë së Mbrojtjes së Rusisë.
Sot në mëngjes, të dyja vendet ranë dakord për një armëpushim për të ndihmuar civilët të evakuohen të sigurt nga qytetet e Kievit, Mariupol, Kharkiv dhe Sumy, duke përdorur korridoret humanitare, transmeton Gazeta Sinjali.
Gjashtë korridoret humanitare që po raportohet se janë të hapura:
Nga kryeqyteti i Kievit në Homel në Bjellorusi;
Nga qyteti juglindor i Mariupolit në Zaparozhye, gjithashtu në juglindje të vendit;
Nga Mariupol në Rostov-on-Don në Rusinë jugore;
Nga Kharkiv, në verilindje të Ukrainës, në Belgorod në Rusi;
Nga Sumy, gjithashtu në verilindje, në Belgorod;
Dhe një nga Sumy në Poltava, një qytet në Ukrainën qendrore.
“Për periudhën e hapjes së korridoreve humanitare, Forcat e Armatosura Ruse të Federatës Ruse do të monitorojnë vazhdimisht dhe objektivisht procesin e evakuimit duke përdorur mjete ajrore pa pilot”, tha zëdhënësi i Ministrisë së Mbrojtjes së Rusisë.
Igor Konashenkov shtoi se Ukrainës i është dhënë paraprakisht informacion i detajuar për korridoret.
