Zëvendësministri i Jashtëm i Polonisë, Marcin Przydacz ka folur për Sky News.
Ai foli në lidhje me një sulm rus sot në një strukturë stërvitore në Yavoriv, Ukrainë, vetëm 15 milje nga kufiri me Poloninë. Të paktën 35 persona u vranë në sulm, shkruan Sky News, transmeton Gazeta Sinjali.
Przydacz tha: Këtë hap të ndërmarrë nga Rusia ne e konsiderojmë po aq provokues sa është aq afër kufijve tanë.
“Është gjithashtu shumë afër një pikë kalimi kufitar, ku mijëra refugjatë po ikin nga Ukraina për të gjetur strehim në Poloni”.
“Unë besoj se ushtria ruse e di shumë mirë se ku është kufiri, dhe ky nuk është vetëm kufiri midis Polonisë dhe Ukrainës, por midis NATO-s dhe një vendi jo-NATO.”
Przydacz bëri thirrje për më shumë mbështetje nga aleatët e NATO-s në formën e pajisjeve dhe dislokimeve të trupave në Poloni “për të treguar se jemi gati të mbrojmë dhe jemi gati të frenojmë Rusinë”.
Ai shtoi: “Ne nuk duam asnjë luftë. Ajo që duhet të bëjmë është të mbështesim Ukrainën tani për të ndaluar këtë masakër që po kryen Rusia mbi civilët.”
