Presidenti i Brazilit, Jair Bolsonaro, i cili ka minimizuar rreziqet e koronavirusit që nga fillimi i pandemisë, konfirmoi një ndryshim në shifrat e Ministrisë së Shëndetësisë, pasi gjatë fundjavës, faqja në internet filloi të publikonte vetëm rastet e reja.

Bolsonaro e ka konsideruar koronavirusin si një grip të butë dhe ka ulur nevojën për kufizime, nga frika se izolimi mund të dëmtojë ekonominë e vendit.

Zyra e Prokurorit Publik të vendit thotë se tashmë ka filluar një hetim lidhur me këtë çështje dhe i ka kërkuar ministrit të përkohshëm të Shëndetësisë, Eduardo Pazuello, të shpjegojë ndryshimin brenda 72 orëve.

Presidenti brazilian, Jair Bolsonaro po ashtu njoftoi të shtunën tërheqjen nga Organizata Botërore e Shëndetësisë, duke ndjekur kështu shembullin e presidentit të SHBA-së, Donald Trump./Gazeta Sinjali/