Rreth 100 mijë njerëz kanë kaluar tashmë në Poloni që nga fillimi i pushtimit, thotë agjencia e Gardës Kufitare të Polonisë.
“Lëvizja e refugjatëve po rritet,” thotë zëdhënësja Anna Michalska.
Ajo tha se më shumë se 20,000 njerëz kanë mbërritur që nga ora 06:00 GMT të shtunën.
Qeveria në Poloni është zotuar të pranojë këdo që i shpëton luftës në Ukrainë dhe t’u japë strehim të përkohshëm atyre që nuk kanë ku të shkojnë.
Polonia po i lejon njerëzit të kalojnë kufirin në këmbë në të tetë pikat e saj të kalimit kufitar, pasi radhët e makinave krijohen në pikat e kontrollit kufitar. Më parë, këmbësorët lejoheshin të kalonin vetëm në një pikë në Medyka.
Nëntë qendra pritjeje – ku njerëzit që vijnë mund të marrin ushqim, ndihmë mjekësore dhe informacion – janë ngritur në shkolla dhe palestra pranë pikave kufitare, si dhe një në stacionin e trenit Przemysl.
