Një person është arrestuar mbrëmë pas mesnate, pasi që dyshohet se ishte përfshirë në një përleshje fizike në një lokal të natës në lagjën ‘Arban” në Prizren.
Rastin e ka konfirmuar Policia e Kosovës përmes një njoftimi, ku bëhet e ditur se personi i dyshuar është Xh.B., 40-vjeçar, raporton Gazeta Sinjali.
Sipas Policisë, viktima ka pësuar lëndime nga goditjet me grushte në fytyrë dhe është duke u trajtuar në spitalin rajonal të Prizrenit.
I dyshuari pas intervistimit është ndaluar në qendrën e ndalimit për 48 orë.
