image Roma mirëpret Mourinhon para 20 mijë tifozëve

Futboll

Roma mirëpret Mourinhon para 20 mijë tifozëve

news image

Roma, që ka ndërmarrë një hap të rëndësishëm në historinë e klubit duke marrë në pankinë trajnerin portugez Jose Mourinho, po përgatitet ta mirëpresë si një yll të vërtetë të futbollit, për aq sa mund të lejohet në këto kohë, raporton Sinjali Sport.

Sipas asaj që ka raportuar e përditshmja sportive italiane “La Gazzetta dello Sport”, klubi i kryeqytetit të Italisë thuhet se është duke pritur dritën jeshile nga qeveria italiane për rihapjen e stadiumeve për ta prezantuar ish-trajnerin legjendar të Interit përpara 20 mijë tifozëve romanistë në “Olimpico”.

Nuk dihet ende sa e realizuar është si ide, por në kampin “Giallorossit” dëshirojnë t’i japin mirëseardhjen në mënyrën më të mirë trajnerit portugez, 11 vite pasi stërviti herën e fundit Interin në Itali.

Saktësisht një javë më parë, Roma njoftonte përmes faqeve zyrtare blerjen e Mourinhos.

Një lajm që ka ndezur entuziazmin mes tifozëve verdhekuq. Ndërkohë, “Speciali” ka lëshuar disa deklarata për “XTB.com”, agjenci financiare ku bën rolin e ambasadorit:

“Kur marr vendime të rëndësishme, sigurohem që t’i kem në duar të gjitha informacionet për të cilat kam nevojë. Kjo është strategjia më e mirë, sepse është e pamundur të merren vendime pa i njohur të gjitha detajet dhe marrë kohën e nevojshme për t’i kuptuar.

Të mos lëmë që presionet e jashtme të ndikojnë ato të brendshmet: presionet janë gjithmonë prezente në futboll, përqendrohemi te bazat e përgatitjes sonë dhe të mbajmë një ambient argëtues, por profesional”.

https://www.xtb.com/en/learn-to-trade/how-to-prepare-for-success-jose-mourinho-mindset-course

/Gazeta Sinjali Sporti/