Rodrygo ka lavdëruar bashkëlojtarin e Real Madridit, Luka Modric, duke e përshkruar atë si një figurë baba futbolli.
Dyshja ndihmuan në fitimin e titullit të 14-të të Ligës së Kampionëve të klubit sezonin e kaluar, të dy duke luajtur role të rëndësishme gjatë rrugës për në finalen në Paris.
Ata u bashkuan në mënyrë të paharrueshme për një gol jetik në ndeshjen e dytë çerekfinale të madrilenëve me Chelsean, teksa Modric bëri një pasim të jashtëzaoknshëm në drejtim të Rodrygos, me sulmuesin që e konkretizoi në rrjetë, për ta çuar ndeshjen në vazhdime.
Goli çerekfinal ishte një shembull i shkëlqyer i lidhjes së fortë që lojtarët ndajnë në fushë dhe Rodrygo theksoi ndikimin e kroatit në karrierën e tij në një intervistë të fundit të postuar në faqen zyrtare të klubit.
“Ai më ndihmon vërtet“, u shpreh ai. “Të luash me të është shumë më e lehtë, duke pasur parasysh cilësinë që ka. Ai është si një baba për mua.
Rodrygo gjithashtu kishte disa fjalë të mira për të ndarë edhe për Carlo Ancelottin, i cili e drejtoi Real Madridin drejt lavdisë evropiane sezonin e kaluar.
“Ai fiton, këtë bën”, shtoi ai. “Ai gjithmonë fiton, është i jashtëzakonshëm. Ai ka qenë i suksesshëm kudo ku ka qenë dhe nuk është ndryshe këtu. Ai ka bërë një punë të mrekullueshme me ne që nga dita kur u bashkua.
21-vjeçari do të synojë për më shumë triumfe këtë sezon, duke filluar me Superkupën e UEFA-s të së mërkurës së ardhshme kundër fituesve të Europa League, Eintracht Frankfurt.
Rodrygo ka vendosur gjithashtu disa objektiva personalë, duke thënë: “Do të doja të shënoja më shumë gola çdo ditë, të jap më shumë asistime dhe të luaj më shumë. Besoj se jam duke u përmirësuar dhe duke luajtur më mirë çdo sezon.
Mendoj se luajta mirë në sezonin tim të parë, nuk munda të luaja shumë në vitin e dytë për shkak të dëmtimit të rëndë që pata dhe isha më mirë në sezonin e tretë. Në sezonin e ardhshëm besoj se do të jem edhe më mirë se në sezonet e mëparshme”, është shprehur ai.
