image Refuzimi i kërkesës/ Daka: Avokati i Popullit ka marrë anën e atyre që janë më të fortë - Sinjali

Refuzimi i kërkesës/ Daka: Avokati i Popullit ka marrë anën e atyre që janë më të fortë

news image

Ish-kryetarja e KQZ-së, Valdete Daka me 27 tetor i ishte drejtuar Avokatit të Popullit me kërkesë për ta shqyrtuar shkarkimin e saj nga presidentja e vendit, Vjosa Osmani.

Edhe përkundër vërejtjeve nga ana e Bashkimit Evropian, Avokati i Popullit konstaton se vendimi për shkarkimin e kryetares së KQZ-së përcaktohet me ligj.

Kështu që kërkesa e Valdete Dakës është refuzuar.

Në lidhje me këtë, Daka ka thënë se në këtë rast Avokati i Popullit ka marrë anën e më të fortit.

“Unë ende nuk e kam këtë vendim të Avokatit të Popullit, nuk e di në çka është thirrë ky vendim. Mendoj se është për të ardhur keq kur institucioni i vetëm të cilit unë kam mundur t’i drejtohem dhe ndërmjet të cilit kam mundur ta di se a ka qenë i drejtë shkarkimi im apo jo, është i heshtur. Avokati i popullit është institucioni i cili duhet t’i mbrojë të drejtat dhe liritë e njeriut, në këtë rast si duket ka marrë anën e atyre që janë më të fortë”, tha ajo në ATV.

Ndërsa ka shtuar se nëse Avokati i Popullit do ta dërgonte në Gjykatën Kushtetuese kërkesën e saj do të dihej nëse vendimi i Presidentes, Vjosa Osmani ishte i drejtë./GazetaSinjali/


Shpërndaje artikullin