Anëtari i Bordit për luftimin e koronavirusit në Kosovë, Besim Kodra e ka cilësuar arbitraritet shtetëror dënimin nga Policia e Kosovës për mosmbajtje të maskës, shkruan Gazeta Sinjali.
Në një postim në Facebook, Kodra thotë se në momentin kur u dënua ishte i vetëm në veturë, teksa shton se për dënimet arbitrare do vendosë gjykata.
“Kundërvajtje është kur dikush e rrezikon një objekt të mbrojtur juridik … ( në këtë rast njeriun). Cilin njeri e kam rrezikuar unë, i vetëm në veturën time private, në periferi të qytetit ?! … plus asaj i tregova që kam qenë i infektuar e i shëruar”, ka shkruar ndër të tjera ai.
Postimi i tij i plotë pa ndërhyrje:
Ky anëtari i Bordit jam unë!
Më ndalë polici, në periferi të qytetit, vetëm në veturë edhe ma shkruan denimin për Kundërvajtje!
Kundërvajtje është kur dikush e rrezikon një objekt të mbrojtur juridik … ( në këtë rast njeriun). Cilin njeri e kam rrezikuar unë, i vetëm në veturen time private, në periferi të qytetit ?! … plus asaj i tregova që kam qenë i infektuar e i sheruar …
Ky është arbitraritet i shtetit ndaj qytetarëve, asgjë më shumë!
Ju miqt e mi, vazhdoni!????
#mbanimaskë
#mbanidistancë
#RespektoniRregullat ????
Kjo ju siguron të jeni të mbrojtur nga COVID-19. Për dënimet arbitrare vendosë gjykata. ⚖️
