image Qeveria propozon Arton Berishën për drejtor të Akademisë për Siguri Publike

Kosovë

Qeveria propozon Arton Berishën për drejtor të Akademisë për Siguri Publike

news image

Qeveria në detyrë është duke mbajtur mbledhje online momentalisht, shkruan Gazeta Sinjali.

Në mesin e pikave të rendit të ditës, të cilin e ka siguruar Gazeta Sinjali, është edhe shqyrtimi i propozim-vendimit për emërimin e drejtorit të përgjithshëm të Akademisë së Kosovës për Siguri Publike.

Sipas burimeve të Gazetës Sinjali, kabinetit qeveritar i është propozuar që Arton Berisha, sekretar i Përgjithshëm në ish-Ministrinë e Administratës Publike, të transferohet në pozitën e drejtorit të kësaj akademie.

Ministrat kanë kohë vetëm katër orë që të votojnë për ose kundër këtij propozim-vendimi.

Pas kalimit të këtij afati, nëse nuk ka kundërshtim konsiderohet se propozim-vendimi është aprovuar dhe do të procedohet për nënshkrim të kryeministri, në pajtim me Rregulloren e Punës së Qeverisë./Gazeta Sinjali/