Një mjek 57 vjeç ndërroi jetë i vetëm në shtëpinë e tij nga koronavirusi, 2 javë pasi ishte izoluar.
Thomas Harvey kishte më shumë se 20 vite që punonte në Spitalin Goodmayes në lindje të Londrës, por iu desh të izolohej pasi e kapi virusin.
Z. Harvey ka shprehur shqetësime në lidhje me mungesën e pajisjeve mbrojtëse për punonjësit e NHS dhe i tha gruas së tij se në spital ndodhej mes dy zjarreve.
Ai është mjeku i pestë që vdiq ndërsa luftonte kundër koronavirusit në Mbretërinë e Bashkuar.
Vajza e tij thotë se vdekja e babait të saj mund të ishte parandaluar dhe se ai ishte i shëndetshëm dhe pa sëmundje të tjera kronike.
Tamira Harvey u shpreh për ITV News: “Qeveria mund ta kishte parandaluar këtë.”
