Qeveria e Kosovës është duke mbajtur mbledhje online në këto momente, ku do të shqyrtohen masat e reja antiCOVID.
Sinjali do të ju mbajë të informuar lidhur me vendimin e Qeverisë Kurti.
Kujtojmë se dje kryeministri i Kosovës, Albin Kurti ka kërkuar përditësim të masave për luftim të pandemisë së koronavirusit.
Në një takim të Komitetit për koordinim dhe vlerësim të situatës me pandeminë – ku ka marrë pjesë kryeministri – është thënë se pothuajse të gjitha rastet e infektimit janë me variantin Omicron të koronavirusit.
Kurti ka kërkuar që masat e reja të kenë qëllim ngadalësimin e rritjes së shkallës së infektimit.
Sipas masave aktuale, të miratuara më 23 tetor të vitit të kaluar, kufizimi i lëvizjes zbatohet nga mesnata deri në ora 05:00.
Bizneset e gastronomisë punojnë deri në orën 23:00, derisa muzika ndalet në orën 21:30.
Masat e reja pritet të prekin orarin e këtyre bizneseve.
