Qeveria e Serbisë sonte në orën 20:00 do të mbajë një mbledhje në të cilën zyrtarisht do të miratohet kërkesa e Beogradit për të kërkuar kthimin e ushtrisë dhe policisë serbe në Kosovë në përputhje me Rezolutën 1244 të Këshillit të Sigurimit të OKB-së, mëson Novosti.
Sipas asaj gazete, kabineti duhet të mblidhet në Pallatin “Serbia”, do të jetë i pranishëm edhe presidenti Aleksandar Vuçiq.
Përndryshe, dispozita e Rezolutës 1244 lidhur me kthimin e forcave serbe të sigurisë është formuluar në atë mënyrë që rezulton në obligimin e KFOR-it për të lehtësuar ardhjen e ushtrisë dhe policisë serbe në territorin e Kosovës.
Ditët e fundit shefja e diplomacisë gjermane, Anallene Berbock dhe i dërguari i presidentit amerikan, Gabriel Escobar, janë shprehur hapur kundër kësaj ideje, e cila shkel drejtpërdrejt normat e së drejtës ndërkombëtare dhe të Kombeve të Bashkuara.
