Paneli Zgjedhor për Ankesa dhe Parashtresa (PZAP) ka publikuar vendimin në lidhje me 100 ankesa që kanë bërë subjektet politike, por edhe kandidatët për deputet që garuan në zgjedhjet e 6 tetorit.

PZAP-ja ka miratuar ankesën e subjektit politik, Nisma Socialdemokrate, që ka të bëjë me 3 mijë votat e ardhura nga Serbia.

Paneli lidhur me ankesat ka vendosur si në vijim: PZAP-i 53 ankesa i ka pranuar të bazuara prej tyre lidhur me 52 ankesa paneli ka vendosur që të urdhëroj KQZ-në, për rinumërimin e 1,472 vendvotimeve.

Ndërsa lidhur me ankesën e parashtruar nga Koalicioni Nisma – AKR – PD, ka vendosur që të pranoj të bazuar ankesën dhe ka urdhëruar KQZ-në, që të largoj nga rezultati përfundimtar i zgjedhjeve 3 mijë votat e votuesve jashtë Kosovës të ardhura nga Serbia.

23 ankesa janë hedhur te pasafatshme dhe të palejuara.

25 ankesa janë refuzuar të pabazuara.

1 ankesë konstatohet e tërhequr.

Kundër këtij vendimi të PZAP-së secili subjekt politik që është i pakënaqur mund t’i drejtohet Gjykatës Supreme, ku kjo e fundit në një afat prej 72 orësh është e obliguar të marr vendim.

Vendimi i sotshëm i PZAP-ës ngjallë shpresë për këtë subjekt politik, e cila ka pretenduar vazhdimisht që pa votat e serbëve Nisma bëhet pjesë e Kuvendit ku sipas tyre mund të kalojnë pragun prej 5%. /Gazeta Sinjali/