image Pyetja e Zërit të Amerikës që e vuri në siklet Edi Ramën në Këshillin e Atlantikut - Sinjali

Washington/ Pyetja e Zërit të Amerikës që e vuri në siklet Edi Ramën në Këshillin e Atlantikut

news image

Gjatë takimit në Këshillin e Atlantikut në Washington, gazetarja e Zërit të Amerikës, Keida Kostreci, i ka bërë kryeministrit të Shqipërisë, Edi Rama një pyetje të vështirë.

Deri në atë moment, Rama po merrte lajka pa fund, por, Kostreci, nisur nga aksioni anti-KCK, e pyeti kryeministrin se përse kjo nisi pas më shumë se 6 vitesh në pushtet dhe përse ai, si kryeministër, ose nuk kishte reaguar, ose kishte reaguar me ngadalësi, në rastet kur ishin zbuluar persona pranë tij dhe mazhorancës të lidhur me krimin ose me korrupsionin.

Edi Rama u përgjigj pak a shumë, se tani nisi ky aksion, pasi vetëm tani janë ngritur institucionet e reja të drejtësisë si prokuroria e posaçme. Sipas tij, me drejtësinë e vjetër, do të kishte qënë e kotë të ndërmerrte të tilla aksione.

Ndërsa, sa i takon luftës ndaj korrupsionit pikërisht brenda politikës, Rama tha se është drejtësia që duhet ta bëjë këtë.

Kryeministri Edi Rama për aktin normativ kundër krimit të organizuar dhe korrupsionit

Në Shqipëri ka hyrë në fuqi një paketë kundër krimit të organizuar që Kryeministri e propozoi si mënyrë për të vënë në shënjestër pasuritë e vëna përmes krimit. Në një diskutim në Këshillin e Atlantikut në Uahsington, ku ishte ftuar të fliste gjatë vizitës së Shteteve të Bashkuara, zoti Rama iu përgjigj pyetjes së Zërit të Amerikës lidhur me këtë nismë dhe pse duke pasur parasysh urgjencën që ai thotë se ka ky problem, nuk janë marrë masa më të rrepta përpara.

Gepostet von VOA – Zëri i Amerikës am Mittwoch, 5. Februar 2020

Shpërndaje artikullin