Në mediat e huaja janë publikuar pamje shqetësuese nga situata me COVID-19 nëpër spitalet e Rusisë. Atje pacientët po luftojnë për jetë, kurse morgjet janë mbushur me kufoma.

“Kështu duken netët tona, tmerruese”, thotë një zë mashkulli që rrëfen pamjet, dhënë në CNN nga një sindikatë e shquar e mjekëve rusë të lidhur me opozitën, “Aleanca e Mjekëve”, e cila thotë se kjo video u regjistrua në mes të tetorit nga një anëtar i stafit të spitalit në Ulyanovsk, transmeton Gazeta Sinjali.

Në shkrimin me pamje të publikuar nga CNN thuhet se kjo video e tmerrshme është vetëm njëra nga disa që i posedojnë e që zbulojnë kushtet e tmerrshme brenda këtyre spitaleve.

Disa pamje tregojnë morgje me trupa, të zhveshur, të grumbulluar njëra mbi tjetrën në dysheme të zymta.

Rusia thotë që nga 16 nëntori më shumë se 33,000 njerëz kanë vdekur nga COVID-19. Por ky numër diskutohet nga kritikët që thonë se Kremlini po raporton nën numrat real.

“Unë mendoj se shifra e vërtetë është rreth 130,000 njerëz,” tha Alexey Raksha, një ish statisticien i qeverisë i cili ka bërë vlerësimet e tij bazuar në të dhënat zyrtare mbi vdekjet e tepërta, numrin e viktimave mbi ato që pritet normalisht, për të vlerësuar taksën e pandemisë./Gazeta Sinjali/