Paris Saint Germain kanë marrë tri pikë të lehta për të mbajtur distancën në krye të tabelës.

Skuadra e Mauricio Pochettino ka shënuar fitore me rezultatin 4:0.

Goli i parë në këtë ndeshje u shënua në minutën e 44’ të takimit, nga Marco Verratti. Ky ishte edhe goli i vetëm në 45 minutëshin e parë.

Pjesa e dytë e pa Parisin të shpërthente. Fillimisht, Sergio Ramos shënoi golin e parë me skuadrën e re. Ishte minuta e 62’ kur ai dërgoi topin në rrjetë për 2:0.

Autogoli i Fares në minutën e 67’ dhe goli i Danilo në minutën e 75’ nokautuan përfundimisht skuadrën e Reims.

Kjo fitore e çon Parisin në kuotën e 53 pikëve, 11 më shumë sesa vendi i dytë Nice, kurse Reims mbetet me 24 pikë në pozitën 14.  /Gazeta Sinjali Sporti/