Sonte në Kosovë janë konfirmuar edhe 53 raste të reja me koronavirus, duke e çuar në 1 mijë e 437 numrin e përgjithshëm të të prekurve, shkruan Gazeta Sinjali.

Sipas Instituti Kombëtar të Shëndetësisë Publike të Kosovës, 18 raste të reja vijnë nga Komuna e Prishtinës dhe 18 të tjerë nga ajo e Vushtrrisë.

Për rrezikun e shndërrimit të këtyre komunave në vatra të infeksionit, IKSHPK-ja pati paralajmëruar më 5 qershor.

“Që kur ka filluar lehtësimi i masave për disa aktivitete, kemi gjurmuar raste të reja të COVID-19 duke u shtuar rreziku të shpërthejnë vatra të reja epidemike në disa komuna të Kosovës e në veçanti në komunën e Prishtinës, Vushtrrisë, Prizrenit dhe Fushë Kosovës nga mosmbajtja e distancës dhe mosmbajtja e maskave”, thuhet në paralajmërimin e këtij instituti të publikuar një javë më parë./Gazeta Sinjali/