Një person me inicialet T.Sh, është arrestuar në Ferizaj pasi dyshohet se kishte postuar fotografi me armë në dorë në rrjetin social Facebook, shkruan Gazeta Sinjali.
Kështu ka njoftuar Policia e Ferizajt, përmes një komunikate për media, ku thuhet se i dyshuari fotografinë e kishte postuar më 21 dhjetor të vitit të kaluar.
I dyshuari ka pranuar se arma e zjarrit i takon mikut të tij (L.H) , i cili është intervistuar sot dhe e ka pranuar që arma i përket atij.
Arma është konfiskuar, ndërsa ndaj personit me inicialet L.H është iniciuar rasti “Mbajtje në pronësi, kontroll ose posedim i paautorizuar i armëve“.
