Talat Xhaferi, kryetar i Kuvendit të Maqedonisë së Veriut, në një intervistë për A2 CNN, tregoi eksperiencën e tij në Ukrainë, si politikani i parë shqiptar që vizitoi Kievin që pas nisjes së pushtimit rus, në 24 shkurt.
Ai ka theksuar se në emër të Ballkanit Perëndimor është e freskët lufta me shqiptarët e Kosovës.
“Unë theksova që ne të Ballkanit Perëndimor e kemi të freskët luftën, me shqiptarët e Kosovës, boshnjakët etj. Në aspektin politik duhej thënë qartë që Maqedonia e Veriut është konform përcaktimeve të botës perëndimore. Në aspektin personal, si kryetar Parlamenti, duhej të shprehja mbështetjen ndaj institucioneve të Ukrainës”, tha Xhaferi.
“Aty kishte tmerre dhe nuk është gjë tjetër veçse krim lufte e përpjekje për gjenocid. Këto çështje kërkojnë procedurë të caktuar ndërkombëtare dhe hulumtuese”, theksoi Xhaferi.
