Policia e Kosovës ka njoftuar se ka mbyllur disa pishina të tipit të hapur, të cilat kanë shkelur vendimin e Qeverisë, sipas së cilit ndalohet veprimtaria e të gjitha pishinave të hapura, shkruan Gazeta Sinjali.

Siç njofton policia, në të gjitha rastet ku janë hasur pishinat e tilla të hapura, ndaj pronarëve janë incuar rastet ‘Mosveprimi sipas dispozitave shëndetësore gjatë epidemisë’.

“Në bashkëpunim dhe koordinim me Prokurorinë e Shtetit, në të gjitha rastet ku janë hasur pishinat e tilla të hapura, ndaj pronarëve janë incuar rastet ‘Mos veprimi sipas dispozitave shëndetësore gjatë epidemisë’. Policia e Kosovës do të vazhdojë implementimin e planit dhe monitorimin e situatës përmes njësiteve patrulluese dhe në të gjitha rastet ku vëren moszbatim të vendimit përshirë hapjen e pishinave të tilla në kundërshtim me vendimin zyrtar, do të marrë masa konkrete sipas dispozitave të parapara ligjore”, thuhet në njoftim./Gazeta Sinjali/