Për shkak të dyshimit se në një parking të një pike të derivateve në fshatin Milloshevë të Obiliqit gjenden substanca narkotike, Gjykata Themelore e Prishtinës në konsultim me Prokurorinë e Shtetit ka dhënë urdhër verbal që të kryhet bastisje.

Aksioni i Policisë së Kosovës i realizuar dje rreth orës 13:30 në këtë lokacion nuk shkoi huq.

Gazeta Sinjali mëson se aty policia gjeti dhe sekuestroi 46 paketime të madhësive të ndryshme me peshë 46.531 kg substancë të dyshuar narkotike e llojit marihuanë.

Gjatë këtij aksioni, policia ka sekuestruar edhe veturën në të cilën është gjetur substanca e dyshuar narkotike.

Sinjali mëson se prokuroria është duke vazhduar hetimet lidhur me këtë rast./Gazeta Sinjali/