image Detaje për sulmin me armë zjarri ndaj Policisë së Kosovës në veri

Detaje për sulmin me armë zjarri ndaj Policisë së Kosovës në veri

news image

Gazeta Sinjali sot raportoi për një sulm me armë zjarri ndaj zyrtarëve policorë kufitarë në Zubin Potok. Lajmin e kanë konfirmuar për Sinjalin edhe nga Policia e Kosovës dhe kanë dhënë detaje.

“Sot në orët e hershme të mëngjesit, konfirmojmë se është sulmuar një njësi patrulluese kufitare, në fshatin Zupçe të Zubin Potokut.  

Lidhur me rastin janë ndërmarrë të gjitha veprimet e menjëhershme policore, ku në vendngjarje kanë dalë edhe njësitet policore të rendit nga stacioni policor Zubin Potok, të cila kanë njoftuar se njësiti kufitar janë sulmuar me armë zjarri, përveç dëmeve materiale në automjet nuk raportohet për zyrtarë të lënduar.  

Policia e Kosovës, në bashkëpunim dhe koordinim me organet e drejtësisë janë duke ndërmarrë të gjitha veprimet e nevojshme hetimore lidhur me rastin, përderisa ka shtuar masat policore me qëllim të sigurisë së zyrtarëve policorë dhe qytetarëve.”

/GazetaSinjali/